73 yaşlı aktyor Maykl Duqlasla 48 yaşlı aktrisa həyat yoldaşı Ketrin Zeta-Cons uzun fasilədən sonra yenidən birlikdə görüntüləniblər.
 
Axşam.az xarici KİV-ə istinadən xəbər verir ki, cütlük Los-Ancelesdə mərasimlərdən birində iştirak ediblər.

Tədbirdə aktyorun atası Kirk Duqlas və onun xanımı En Baydes də olub.

Ailənin bir-birinə qarşı səmimi hisləri gözdən yayınmayıb. Hətta paparazzilər Ketrini 100 yaşlı qayınatasının dodağından öpən yerdə tutublar.

Qeyd edək ki, Duqlasla Zeta-Cons noyabrın 18-də evliliklərinin 17-ci ildönümünü qeyd edəcəklər. Cütlüyün 17 yaşlı oğlu, 14 yaşlı qızı var.