Güneldən Rza Zərrab açıqlaması: "Gülək, ya ağlayaq?"

Güneldən Rza Zərrab açıqlaması:  "Gülək, ya ağlayaq?"
8463 dəfə oxunub
  • A-
  • A
  • A+

Türkiyədə yaşayan müğənni Azəri Günel Zeynalova media nümayəndələrinə müraciət edib.

Axşam.az-ın məlumatına görə, sənətçi hazırda ABŞ-da həbsdə olan keçmiş nişanlısı Rza Zərrabla adının birlikdə hallanmasını istəmədiyini söyləyib.

Günel bildirib ki, Rzanı Ebru Gündeşlə onun tanış etməsi xəbərləri onu əsəbiləşdirib:

“Son günlər mətbuatda çıxan xəbərlərdə keçmişdə olan münasibətimlə bağlı adımın davamlı olaraq yer almasından narahatam və üzülürəm. İllər əvvəl nöqtə qoyduğum bir münasibətdə bu gün zərərçəkən kimi təqdim edilirəm. Buna səbəb olan mövzular məni və ailəmi narahat edir. 

Bir zamanlar bu mövzuda yenə haqlı idim. Amma zərərçəkən biri kimi bəzi mətbuat nümayəndələri adımı qaralamışdı. İndi isə əksini edirlər, mənim tərəfimi tutan xəbər hazırlayırlar. Gülək, ya ağlayaq? Məni sevən insanların beynində şübhə yaradacaq xəbərlər yazan şəxslərə müraciət edirəm. Nə oldu? Sular kəsildi? Kaş ki, məni indi anlamaq, dinləmək yerinə o illərdə axtarardız.

Dəyərli jurnalist dostlarım! Türkiyəyə gəldiyimdən bəri sizinlə böyüdüm. 20 illik sənət həyatımda bir-birindən gözəl layihələrə imza atdım. Hər zaman yanımda olan hər kəsə təşəkkürlər. Ancaq demək istəyirəm ki, sənət həyatıma əngəl olanlar, belə xəbər hazırlayanlar qanun qarşısında cavab verəcəklər”.

Qeyd edək ki, Türkiyənin məşhur köşə yazarı Esin Övet müğənni Günel Zeynalova, Ebru Gündeş və Rza Zərrabla bağlı yazı hazırlamış, aktrisa berna Laçın isə məsələyə fikir bildirmişdi.