“Bu haqda heç vaxt danışmıram. Özümə söz vermişdim ki, qardaşım əsgərlikdən qayıdana kimi danışmayacam”.

Axşam.az-ın məlumatına görə, bu sözləri müğənni Xatirə İslam “Bizimləsən” verilişində deyib.

Sənətçi hərbi xidmətdə olan qardaşından danışıb:

“Qardaşım cəbhə bölgəsində əsgərlikdədir. İmkan vermədi ki, kiməsə zəng vurub, yerini dəyişim, tapşırım. Bəlkə də kənardakılar elə düşünür ki, Xatirənin qardaşı cəbhə bölgəsində ola bilməz. Amma mənim kimi insanın qardaşı oradadır. Mən ailəm üçün yaşamışam. Nə istəyiblər, onu etmişəm. Mənim tanışlarım, ətrafım çoxdur. Hərdən eşidirəm ki, deyirlər, kiminsə uşağı filan yerdə əsgərlikdə olmur”.