Məşhur bacılar Bella və Gigi Hadid Nyu-York küçələrində paparazilərə tuş gəliblər.

Axşam.az xarici KİV-ə istinadən xəbər verir ki, əl-ələ görüntülənən bacılar bu dəfə də geyimləri ilə göz oxşayıblar.

Giginin mənzilindən çıxan modellər anası Yolanda Hadidin ad günü partisinə yollanıblar.

Bu dəfə Gigi rəsmi, Bella isə cəzbedici geyimdə olub. Belə ki, Gigi parça materialından olan şalvar və xətli köynəyə üstünlük verib və stilini balaca çanta ilə tamamlayıb.

Bella isə daha cazibədar görünüb. Onun əynində qısa koja plaş və hündürdaban çəkmə olub.