Nikolas Keyc kinodan gedir
Hollivud ulduzu Nikolas Keyc aktyor karyerasına son qoyacağını açıqlayıb.
Axşam.az xarici mediaya istinadən xəbər verir ki, kino ulduz bundan sonra karyerasına rejissor kimi davam etmək istədiyini deyib:
“Hazırda mən aktyor kimi fəaliyyət göstərirəm və hələ 3-4 il bu peşə ilə məşğul olacağam. Sonra isə rejissorluğa başlayacağam”.
Nikolas hazırda 7 layihə üzərində işləyir – 5 filmdə baş rolda çəkilir, animasiya filmlərindən birinin səsləndirməsini edir. Keycin rejissor kimi debütü isə 2002-ci ildə ekranlara çıxan, Ceyms Franko ilə birlikdə çəkdiyi “Jiqolo” filmidir.
54 yaşlı Nikolas karyerası boyunca 80-dən çox filmdə çəkilib.