Aysun Bakıda dəfilə etməyəcək
Müğənni Rəqsanə İsmayılovanın qızı Aysun Bakıda keçirəcəyi dəfiləsini təxirə salıb.
Bu haqda məlumatı Axşam.az saytına açıqlamasında sənətçi özü verib.
O, nümayiş olunması düşünülən bütün libasların hazır olduğunu bildirib:
“Dəfiləylə bağlı bütün hazırlıqlar başa çatıb. Libaslar da hazırdır. Amma Aysun artıq bu dəfiləni keçirmək istəmir. Son vaxtlar çox qalmaqal yaşandı. Qızım da bunlara görə istəmir söz-söhbətlərin içində olsun. Deyir, elə Moskvada qalıb dərsimlə məşğul olmağım yaxşıdır. Aysun ağıllı qızdır, həm də artıq böyüyüb. Nə cür istəyir, o formada da qərar verir. Mən də onun qərarı ilə razılaşıram. Həm də qızım özəl həyatının gündəmə gəlməsini xoşlamır, əsəbiləşir. O dəfilədən sonra da baş verəcək söz-söhbətləri təsəvvür edir. Buna görə də hələ istəmir”.