"Kimsə özünü öldürmək istəyəndə məni aparırlar" - Manaf Ağayev

"Kimsə özünü öldürmək istəyəndə məni aparırlar" -  Manaf Ağayev
7166 dəfə oxunub
  • A-
  • A
  • A+

Bir qədər öncə Qaçqın və Məcburi Köçkünlərlə İş üzrə Dövlət Komitəsinin binasında intihara cəhd edən, gözdən əlil idmançını müğənni Manaf Ağayev xilas edib.

Axşam.az xəbər verir ki, müğənni hadisənin təfərrüatları barədə musavat.com-a danşıb:

“Bir məkanda əyləşmişdim, birdən mənə zəng vurub bildirdilər ki, “Füzulidən qeyrətli bir oğlan, hansı ki, çempiondur, “Qaçkınkom”un binasına çıxıb özünü atmaq istəyir, polislər və məmurlar onu fikrindən döndərə bilmirlər”. Məndən xahiş edib dedilər “sən də füzulililərin bir ağsaqqalı kimi onu bəlkə fikrindən daşındıra bilərsən". Mən də hadisə yerinə getdim. Həmin vaxt o, qollarını doğrayıb, əlində də şüşələr var idi, onları qarnına soxurdu. Dedim ki, “məni qəbul edə bilərsən?” Yalvardım ki, “sənə söz verirəm, evini alıb, özünə qaytaracam”. Mənə bildirmişdilər ki, 3 övladı var, ona görə də xeyli yalvarıb-yapışdım. O da fikrindən döndü, məni qucaqladı. Camaat bu halı alqışladı. Oradaca aidiyyəti qurumlardan xahiş etdim ki, imkan çərçivəsində onun məsələsini həll etsinlər. Sağ olsunlar, xahişimi yerinə yetirdilər”.

Müğənni bildirdi ki, intihara cəhd edən əlil idmançıya verdiyi sözə əməl edib:

“Sənədlərini yerindəcə alıb, onun özünə qaytardım. Bu günə qədər bu cür olaylarla tez-tez rastlaşıram. Hərdən füzulililərdən kimsə özünü öldürmək və ya atmaq istəyəndə onu fikrindən daşındırmağa məni aparırlar. Füzuli camaatı da sağ olsun ki, mənim xahişimi yerə salmır”.

Qeyd edək ki, bu gün məcburi köçkün, gözdən əlil idmançı olan Natiq Hüseynov komitənin binasından özünü atmağa cəhd edib. O, mənzil problemi ilə əlaqədar sədrin qəbuluna gəldiyini, lakin məsələ həll olunmadığına görə canına qəsd etmək istədiyini bildirib, şüşələri qıraraq qollarını kəsib.