Cudo Federasiyasının prezidenti, 37 yaşlı Roman Rotenberq 30 yaşlı sevgilisi Qalina Keda ilə evlənib.

Axşam.az xarici KİV-ə istinadən xəbər verir ki, Boris Rotenberqin oğlu ailə qurduğu xanım modeldir. Qalina sosial şəbəkədə iki əyyarlı brilyant üzüyü və gəlinlik libasının fotosunu yayımlayıb.

Cütlüyün münasibəti on ildir ki, davam edir. Keda 6 il əvvəl biznesmen üçün qız övladı dünyaya gətirib. Daha sonra isə onların Roman adlı oğlu doğulub.

Qeyd edək ki, Roman bundan əvvəl latviyalı model Marta Berzkalnoya ilə ailəli olub. Model hamiləliyinin beşinci ayında milyarderdən ayrılıb və Nyu-Yorka köçüb. Onların bir oğul övladı var.