Bir müddətdir müğənni Gülay Zeynallı ilə boşanma xəbəri yayılan fitnes məşqçisi Kamil Zeynallı açıqlama verib.

Axşam.az xəbər verir ki, “X maqazin”ə danışan Kamil evlilik həyatının davam etdiyini bildirib. İnstaqramda nə üçün Gülayla bir-birini izləmədiklərinə aydınlıq gətirən məşqçi, nəinki həyat yoldaşını, heç kimi izləmədiyini deyib:

“Ailə vəziyyətim əladır, heç olmadığı kimi. Həyatımızı İnstaqram üzərində qurmamışıq ki... Mən özüm heç kimi izləmirəm, sıfır olub. Gülay məni izləyəndə də onu izləmirdim. Onun dəxli yoxdur axı. Heçnə İnstaqramla ölçülmür.

Şükür hər şey qaydasındadır. Həyatımızı yaşayırıq, qızımız dərsə gedib gəlir. Səhər aparıram, axşam götürürəm. Dedi-qodu həmişə olub”.

Qeyd edək ki, Kamil və Gülay 8 ildir ailəlidir. Onların bu evlilikdən Sahilə adlı bir qız övladı var.

 
 
 
 


                 

Digər Xəbərlər