Evi qarət edilən aktrisa Ülviyyə Əliyevanın Zaur Baxşəliyevin "Bizimləsən" verilişinə çıxması sosial şəbəkələrdə müzakirəyə səbəb olub.

Axşam.az-ın məlumatına görə, bir çoxları Ülviyyənin də proqrama pul yığmaq üçün gəldiyini yazıb. Aktrisa "Deyirlər ki, indi də bunun üçün pul yığaq" sözlərinə cavab verib:

"Bu, çox həssas mövzudur. Sizin verilişə çıxandan sonra o dəqiqə başladılar nələrsə yazmağa. Heç kəsdən pul istəmirəm. 17 yaşımdan işləmişəm, halal zəhmətimlə 4 ailə saxlamışam. Bu gün yoldaşım da, mən də ailələr saxlayırıq. Mən pul yığmaq üçün çıxmamışam. Bu gün evim qarət edilib".

Zaurun "Sənin bu sözlərin Tünzalənin (əməkdar artist Tünzalə Əliyeva - red.) ürəyinə toxunacaq" sözlərinə aktrisa belə cavab verib:

"Tünzalənin nələri olduğunu heç kəs bilmir. Onun evi yox idi. Ramanadakı evini anasıgil Gəncədəki evi satıb alıb. Tünzalə 25 il kirayədə yaşayıb".

Qeyd edək ki, əməkdar artist Tünzalə Əliyeva evinin ipoteka kreditini ödəmək üçün "Bizimləsən" verilişinə qatılıb və onun pul yığması tənqid edilib.


                 

Digər Xəbərlər