Aktrisa Şəhanə Yusifova bu dəfə fotoqraf Ramin Aslanovun obyektivi qarşısına keçib.

Axşam.az-ın məlumatına görə, çəkiliş zamanı bir obraz yaradan aktrisa qara uzun yarıqlı libasdan istifadə edib.

Şəhanə eyni zamanda aktrisalıq fəaliyyətindən də söz açıb. O bildirib ki, ailəsi hər zaman ona dəstək olur:

"Müstəqil insanam. Amma bu o demək deyil ki, sərbəstliklə tərbiyəsizliyi səhv salıram. Ailəm mənə inanır, dəstək olur. Çəkilişlərlə əlaqədar evə gec gəldiyim anlar da az olmayıb.

Ailə quranda bircə bu problem gözümdə durub. Bir aktrisanı həyat yoldaşı başa düşüb, yanında olsa, işinin çətinliyinin, məsuliyyətinin şahidi olsa, məncə heç bir söz-söhbət yaşanmaz".