Türkiyəli aparıcı və aktrisa Burcu Əsmərsoy Bakıya gələcək.

Axşam.az-ın məlumatına görə, 1997-ci ildə "Türkiyə gözəli" seçilən Burcu Azərbaycanda keçiriləcək 89-cu “Miss Globe İnternational” müsabiqəsində ("Beynəlxalq Gözəllik Müsabiqəsi") aparıcı olacaq.

Bu haqda “Gündəlik” verilişinə qonaq olan, gözəllik yarışmasının Azərbaycan üzrə təşkilatçısı Nigar Məmmədova deyib.

Qeyd edək ki, avqustun 23-də “Bakı Cristal Hall”da keçiriləcək yarışmanın qonaqları arasında Türkiyəli məşhurlardan “Kurtlar vadisi” serialından Memati obrazı ilə tanıdığınız aktyor Gürkan Uyqun, rəqqasə Asena, müğənnilər Gökhan Özen, Demet Akalın, rumıniyalı müğənni İnna, rusiyalı müğənni Lolita və başqaları olacaq.