“Forbes” jurnalı dünyanın 7 məşhur siyasətçisinin sevgi tarixçəsinin əks olunduğu siyahını  təqdim edib.

Axşam.az-ın məlumatına görə, ilk yerdə Fransa prezidenti Fransua Olland və aktrisa Jüli Qay dayanır. Avqustda prezidentin 42 yaşlı aktrisa ilə keçiriləcək toyu onun ilk rəsmi nikahı olacaq. Fransua bundan əvvəl yaşadığı münasibətlərinin heç birini rəsmiləşdirməyib.




Nəzərilər-ismayılılar təriqətinin lideri, 4-cü Ağa Xan kimi tanınan 77 yaşlı şahzadə Kərim Şahın varisi Rəhim Ağa Xan və model Kendra Spirs - 25 yaşlı modeli ingilis mediası Sindi Krouforda bənzədir. Porta-Çervo istirahət mərkəzinin və 800 milyon dolların sahibi olan Rəhim Ağa Xan 2013-cü ildə onunla ailə qurub. Kendra islam dinini qəbul edərək Salva adını götürüb.



Fransanın keçmiş prezidenti Nikola Sarkozi və Karla Bruni - italiyalı aktrisa və müğənni Karla 2008-ci ildə Nikola Sarkozi ilə ailə qurub. Bu, Bruninin ilk evliliyi olsa da, Sarkozi ona qədər iki dəfə rəsmi nikah bağlayıb.




İtalyanın keçmiş baş naziri Silvia Berluskoni və Françeska Paskale - rəqqasə, aparıcı və müğənni Paskale 78 yaşlı Berluskoninin qızı ilə rəfiqə olub. İtaliya mediası cütlüyün 2014-cü ilin yayında toy edəcəyini yazsa da, bu yaxınlarda onların 2013-cü ildə gizli şəkildə ailə qurduqları xəbərləri yayılıb.



İspaniya şahzadəsi VI Felipp və şahzadə Letisiya - Felipp bir vaxtlar aparıcılıq edən Letisiyanın ikinci həyat yoldaşıdır.



İngiltərə şahzadəsi Harri və kübar xanım Kressida Bonas - uzun müddət birlikdə olan cütlüyün bu il mayda ayrıldığı deyilir.



Rusiyalı siyasətçi Vladimir Kojin və model, “Mobilnıe blondinka” ("Sarışın gözəllər") qrupunun üzvü Olesya Boslovyak - cütlük iyulun əvvəllərində rəsmi nikaha daxil olub.