Təxminən bir ay əvvəl ikinci övladını dünyaya gətirən 29 yaşlı məşhur model Dautsen Kroes Amerikanın "Glamour" jurnalına fotosessiya etdirərək gözəllik sirlərindən danışıb.
Axşam.az-ın xarici mətbuata istinadən məlumatına görə, model qadınlara bəzi məsləhətlər verib. Həmin məsləhətləri təqdim edirik:
1)
Yuxudan oyanarkən özünüzü olduğunuz kimi qəbul edin - Saçlarınız nə qədər dağınıq olsa da, həmin görünüşünüzü sevin.
2)
Dərinizə qulluq edin - Bunun üçün təbii vasitələrdən istifadə edin. Makiyajımı sildikdən sonra üzümə təzə meyvələr sürtürəm. Məsələn, limon dəriyə çox faydalıdır. Təbii C vitamini üzümü parıldadır.
3)
Saçlarınızı yüngülləşdirin - Sadə düzülüşlərdən və ya yığmalardan istifadə edərək saçlarınızı sərbəst buraxın.
4)
Həmişə hərəkət edin - Mən hamilə olarkən 3 yaşlı oğlumu hər səhər bağçaya velosipedlə özüm aparırdım.
5)
Sağlam qidalanın - Tərkibində maya olan məhsullardan uzaq durun və təbii meyvə-tərəvəzlərdən istifadə edin.
6)
Sadə makiyaja üstünlük verin - Bir qədər ənlik və dodaq boyası gözəl görünməyinizə kifayətdir.