Məşhur “Playboy” gözəli Kendra Vilkinson ona transseksual modellə xəyanət edən həyat yoldaşı Hank Basketti bağışlayıb.

Axşam.az xarici mətbuata istinadən xəbər verir ki, təxminən 2 aydır Hankdan ayrı qalan Kendra həmin hadisədən sonra nişan üzüklərini ayaqyoluna atmışdı. 29 yaşlı model bu yaxınlarda həyat yoldaşını diqqətlə dinlədikdən sonra isə onu bağışlamaq qərarına gəlib.

Hank bildirib ki, əslində onun heç bir günahı yoxdur. Belə ki, transseksual model özü ona təcavüz edib. Kendranın rəfiqələri H.Baskettin söylədiklərinə şübhə ilə yanaşsalar da, o, bu sözlərə inanıb.
Bəziləri isə, modelin bu addımı özünün realiti-şousunun reytinqini yüksəltmək üçün atdığını iddia edir.