Müğənni Nadir Qafarzadədən təzə xəbər var.

Axşam.az-ın məlumatına görə, ifaçı 6/8 ritmində yeni bəstələr təqdim edəcəyini bildirib:

“Daim yaradıcılığımda yeniliklər etmək istəmişəm. Bu istəyimi də hər zaman reallaşdırmışam. Baxmayaraq ki, hər təzə iş müzakirəsiz ötüşməyib. Sənətçi daim yenilikləri ilə sevənlərinin qarşısına çıxmalıdır. Türkiyənin tanınmış müğənnisi İbrahim Tatlısəsin repertuarından olan “Haydi söylə” mahnısını 6/8 ritmində oxudum. Düşünürəm ki, bu bəstə dinləyicilərin xoşuna gəlib. Bu da son deyil. Daha bir türk nəğməsini 6/8 ritmində ifa etmişəm. “Sarışınım” adlı mahnının aranjiman işləri gedir. Hazır olduqdan sonra təqdim edəcəm”.

Qeyd edək ki, ifaçı həmkarı Röya Ayxan ilə birgə iştirak etdiyi el şənliyində görüntülənib. Onlar səmimi şəkillər çəkdiriblər. Həmin fotoları təqdim edirik.