Londonda “ WellChild” xeyriyyə cəmiyyətinin keçirdiyi mükafatlandırma mərasimi baş tutub.

Axşam.az-ın xarici mətbuata istinadən xəbərinə görə, tədbirin ən önəmli qonağı adıçəkilən təşkilatın tədbirində hər il yer alan Uels şahzadəsi Harri olub.

O, bu il ağır xəstəliklərə qarşı mübarizə aparmalarıyla “Böyük Britaniyanın ən cəsur uşaqları” adına layiq görülən balacalarla görüşüb. Şahzadə ətrafına toplaşan körpələrin heç birini diqqətsiz buraxmayıb.
 
Harri hər uşaqla ayrılıqda söhbət edərək onları mükafatlandırıb. Hersoq balacalarla şəkil çəkdirərək çıxışını sonlandırıb.