Türkiyəli model Tuba Özay ötən gün qatıldığı tədbirlərin birində geyimi ilə diqqəti öz üzərinə toplayıb.
 
Axşam.az “Hürriyet”ə istinadən xəbər verir ki, bütün bədəninin görünməsinə səbəb olan şəffaf bir libasla gecəyə qatılan model bu paltarı ona boşanma ərəfəsində olduğu həyat yoldaşı, italiyalı iş adamı Lüdovik Fattizzonun aldığını deyib:
 
“Bunu mənə ərim almışdı. İlk dəfə bura geyindim. Lüdovik hələ məni belə görməyib”.

Xatırladaq ki, ayrı-ayrı ölkələrdə yaşadıqlarına və bir-birlərinin vətəninə köçmək istəmədiklərinə görə boşanmağa qərar verən cütlük hələ də razılığa gələ bilmir.

Bu barədə jurnalistlərin suallarını cavablandıran Tuba Özay “Belə getsə, bu işin çarəsi ayrılıq olmayacaq. O “pişik” bura gələcək”, - deyə bildirib.