Bu yaxınlarda Bred Pittlə ailə quran dünya şöhrətli aktrisa Ancelina Colinin keçmiş həyat yoldaşı Billi Bob onun haqqında xoşagəlməz iddialar səsləndirib.

Axşam.az xarici mətbuata istinadən xəbər verir ki, Billi 2 il evli qaldığı Coli barədə bunları deyib:

“Onun qeyri-adi həyat tərzi var idi. Bir dəfə evə gələndə özü ilə bıçaq və boyunbağı alıb gətirmişdi. Sevişdikdən sonra barmaqlarımızı kəsib qanımızı boyunbağının içinə doldurur, daha sonra isə onu boynumuzda gəzdirirdik. Ancelina bunu romantik hesab edirdi. Aramızda hazırda heç bir problem yoxdur. Bir-birimizə nifrət etmirik”.

Qeyd edək ki, Ancelina Coli və Billi Bob 2000-2002-ci illərdə ailəli olublar.