Əməkdar artist festivala qatılacaq
Oktyabrın 31-dən noyabrın 3-dək Qazaxıstanın Karaqanda şəhərində «Operetta və müzikl ulduzları» IV Beynəlxalq Festivalı keçiriləcək.
Axşam.az-ın məlumatına görə, ölkəmizi festivalda Azərbaycan Dövlət Musiqili Teatrının solisti, əməkdar artist Nərgiz Kərimova təmsil edəcək.
Qeyd edək ki, solist-vokalist N.Kərimova 1989-cu ildə Bakıda keçirilən «Qızıl payız-89» Respublika müsabiqəsinin, 1990-cu ildə isə Moskva şəhərində keçirilən «Yeni adlar» III Ümumittifaq müsabiqəsinin laureatı olub.