Yazıçı Qustav Floberin "Madam Bovari" əsərinin motivləri əsasında yeni film çəkilib.
Axşam.az-ın Rusiya mediasına istinadən xəbərinə görə, fransız rejissor Sofi Bartezin ekranlaşdırdığı filmin baş rolunda Mia Vasikovska, digər rollarda isə Ezra Miller, Ris Avans, Laura Karmaykl və digərləri oynayıblar.
2015-ci ilin ikinci yarısında təqdim olunacaq filmin artıq ilk treyleri yayılıb.
Qeyd edək ki, "Madam Bovari" klassik dünya ədəbiyyatının ən yaxşı əsərlərindən hesab olunur. Q.Floberin bu romanı əsasında daha əvvəl 1949-cu ildə rejissor Vinsent Minnelli, 1991-ci ildə isə Klaud Kabrol film çəkiblər.