Jurnalistlərə adətən gülümsər çöhrələri ilə müsahibə verib, şəkillərini çəkdirən ulduzlar bəzən media nümayəndələrinə elə qəzəblənirlər ki... Hətta onları döyməkdən belə çəkinmirlər.
Axşam.az-ın məlumatına görə, Rusiya saytlarından biri araşdırma apararaq, dalaşqan məşhurların adlarını açıqlayıb.
Həmin siyahını təqdim edirik:
Alisia Douval - Özünün də televiziya işçisi olmasına baxmayaraq, Alisia şəklini çəkməyə çalışan paparatsini küçənin ortasındaca döyüb.
Britni Spirs - Müğənni uşaqlarını almaq üçün keçmiş həyat yoldaşının evinə gedib, ancaq əliboş qayıdıb. Yolun kənarındakı pressa maşınlarını görən müğənni hirsini onları əzməklə soyudub.
Liam Qalakher - Musiqiçini nə qədər sakitləşdirməyə çalışsalar da jurnalisti uzun müddən onun əlindən almaq mümkün olmayıb.
Lili Alen - Paparatsinin fotoaparatını əlindən ala bilmədikdə tək çarəni ona təpik atmaqda görüb.
Elton Con - Bu dəfə də mədəniyyətini qorumağa çalışıb. Başqalarından fərqli olaraq məşhur müğənni paparatsiləri yumruqları ilə deyil, səsi ilə uzaqlaşdırıb.
Ris Vizerspun - Hər zaman sakit, mehriban davranışı ilə diqqət çəkən musiqiçi vay o günə ki, hirslənə: qışqırığından qulaq tutular.
Keyt Moss - Paparatsilərin hər addımını izləməsindən təngə gələn məşhur ulduz onları bağıraraq uzaqlaşdırmağa üstünlük verir. Səsi işə yaramadıqda, təpik atmağa başlayır.
Avril Laving - Jurnalistlərdən bezən Avril onu çəkməyə çalışan fotoqrafın saçından tutub yerdə sürüdü.
Keyt Bekinseyl - Balaca qızı və həyat yoldaşı ilə gəzintiyə çıxan ulduz onu izləyən paparatsiləri görüncə, əsəbindən əlindəki su ilə dolu şüşəni onların başına çırpdı.
Hizer Mills - Paparatsilərə tez-tez təpik atması ilə məşhurdur. Təpiklə ürəyi soyumayanda isə model əlinə keçəni onların başına çırpır.
Rayan Filip - Aktyor əsəbləşəndə paparatsilərə nə təpik, nə də şüşə atır. O, əsəbini paparatsilərə sandviç atmaqla soyudur.
Jey Key - Paparatsilərin əlindən təngə gələn Jey onları yumruqladıqdan sonra sakitləşir.
Huq Qrant - Aktyorun bu paparatsini döyməsi uzun müddət dillərdən düşmədi. Hətta buna görə Huq cəzalandırıldı da.
Kameran Diaz - Paparatsilərə hirslənən Kameran fotoqrafın aparatını əlindən alıb, sakitcə getməyə çalışır.