"Deyirdilər ki, geyimini bilmir, zövqsüzdür" - Könül
Müğənni Könül Kərimova həmkarlarından şikayətlənib.
Axşam.az-ın məlumatına görə, ifaçı "Star life" verilişinə açıqlamasında sənətə yeni gəldiyi günləri xatırlayıb:
"Çox çətinliklər çəkmişəm. O, vaxtlar salonlara gedə bilmirdim, hər şeyi evdə özüm edirdim. Heç bir sənət dostumdan kömək istəmirdim. İstəsəm belə etməzdilər. Hətta arxamca danışırdılar: yaxşı müğənnidir, amma geyimini bilmir, zövqsüzdür. Pis olurdum, günlərlə özümə qapanırdım. Zamanla hər şeyi öyrəndim. Artıq neçə illərdir makiyajımı da, saç düzümümü də özüm edirəm, salona getmirəm".