"İstərdim ki, 5 oğlum olsun" - Elgiz
Tanınmış aparıcı Elgiz Əkbər aile.lent.az-a müsahibə verib.
Axşam.az-ın məlumatına görə, o, mayın 9-da olacağı toyu haqda danışıb.
- Elgiz bəy, vəziyyətiniz necədir?
- Özümü yaxşı hiss etmirdim. Anidən başım gicəllənməyə başladı. Sağ olsun dostlar, təcili yardım çağırdılar. İndi şükür Allaha yaxşıyam.
- Bildiyimizə görə, evlənirsiniz, doğrudur?
- Bəli, inşallah bu yaxınlarda toyum olacaq.
- Evlənəcəyiniz şəxs də tanınmış insandır?
- O haqda hələ ki, danışmaq istəmirəm.
- Hər bir insanın arzusudur ki, övlad sahibi olsun. Bəs sizin belə bir arzunuz varmı?
- Əlbəttə, ən böyük arzularımdan biri övlad sahibi olmağımdır. İstərdim ki, 5 oğlum olsun. Çünki uşaqları çox sevirəm. Allah hər bir insana qismət etsin.