İndoneziyada baş verənlər eşidənləri şoka salıb.
 
Axşam.az xarici mətbuata istinadən xəbər verir ki, plastik su qablarının içinə qoyulan 24 ədəd Kakadu tutuquşusu qeyri-qanuni yollarla ölkədən çıxarılarkən polis tərəfindən ələ keçirilib. Polis qabları kəsərək quşları xilas edib. Qaçaqmalçıların təbiətin nadir heyvanlarından olan tutuquşulara qarşı amansızlığı görənləri heyrətə salıb. Həmin tutuquşuların hər birinin heyvan oğruları tərəfindən 1000 dollara satıldığı məlum olub.

2007-ci ildən nəsli kəsilmək üzrə olan heyvanlar siyahısına salınan Kakadu tutuquşusundan təbiətdə yalnız 7 min ədəd qaldığı ehtimal edilir. Hər il qanunsuz yolla ölkə xaricinə çıxarılan quşların 40%-i yollarda tələf olur.