Hazırda Bakı Şəhər İcra Hakimiyyətinin binasında icra başçısı Hacıbala Abutalıbov Binəqədi rayonunda yanan binanın sakinlərini qəbul edir.

Axşam.az-ın "qafqazinfo"ya istinadən məlumatına görə, iclasda sənədləri düzələn vətəndaşlara kompensasiyanın veriləcəyi gözlənilir.

Yanan binada həyatını itirən 2 yaşlı Ayxanın nənəsi hadisə baş verən binaya qayıtmaq istəmədiklərini bildirib:

"Biz o evdə necə yaşaya bilərik? Mən dünən evə girib divarları öpmüşəm. Hər yerdə Ayxanı görürəm, hiss edirəm. Biz bundan sonra o evlərdə necə yaşayaq?!"