Türkiyənin tanınmış prodüseri, keçmiş müğənni Erol Köse Türk dili müəlliməsi və kosmetik şirkət sahibi Fulden Çetindoğanla nişanlanıb.
 
Axşam.az “Hürriyət”ə istinadən xəbər verir ki, ailələri ilə kiçik mərasim təşkil edən cütlük xoşbəxt olduqlarını deyib. E.Köse nişanlısının ilk evliliyindən olan qızı ilə də yaxşı yola getdiyini bildirib:

“Bu, ikinci və sonuncu nikahım olacaq. Bir daha səhvə yol verməyəcəm. Qızım Dijan da gələcək həyat yoldaşımla yaxşı yola gedir. Bunun özü ayrı xoşbəxtlikdir. İyunun axırında evlənəcəyik. Xoşbəxt ailəmin və yeni uşaqlarımın olmasını istəyirəm”.