"Eurovision 2015" təmsilçimiz Elnur Hüseynov və Avstraliya yarışmaçısı Qay Sebastian pərəstişkarları üçün pijama partisi keçirib.

Axşam.az-ın məlumatına görə, "Wake up, Australia! Don't sleep, Azerbaijan!" ("Oyan Avstraliya! Yatma Azərbaycan!") şüarı ilə keçirilən tədbirdə ifaçılar sevənlərini yatmamağa, onlara dəstək olmağa çağırıb.

Belə ki, Avstraliya ilə Avropa arasında 8, Bakıyla isə 3 saat fərq var. Onlar çıxışlarının mayın 23-nə yox, 24-nə təsadüf etdiyini vurğulayıblar.

Qeyd edək ki, bu gecə Avstraliya 12-ci, Azərbaycan isə 24-cü nömrə altında çıxış edəcək.