Musiqi karyerasının 20-ci ilini qeyd etməyə hazırlaşan müğənni Demet Akalın “Elele” dərgisinə müsahibə verib.

Axşam.az-ın məlumatına görə, aktiv sosial şəbəkə istifadəçisi olduğunu deyən Demet prezident Rəcəb Tayyib Ərdoğanı, müğənni Tarkanı, aktyor Cem Yılmazı qabaqladığını bildirib:

“Sosial şəbəkədən ən yaxşı və ən fəal istifadə edənlər siyahısında 53-cü yerdə qərarlaşan yeganə türkəm. Nə Tayyib bəy var, nə Tarkan, nə də Cem Yılmaz. Ötən ay Google-da ən çox axtarılanlar arasında Ancelina Colini də keçmişəm”.

Demet onu model etmək istəyən britaniyalı dizayner Stella MakKartni haqqında da danışıb:

“6-7 il əvvəl məni Londona çağırdı. Sən demə, məni model etmək istəyirmiş. Dünyada o qədər qadın var ikən, niyə mən? Sonra öyrəndim ki, lezbiyan imiş”.