Məşhur paylaşım xidməti "Instagram" yalnız kvadrat formatda video və fotodan imtina edərək düzbucaqlı formada paylaşımlara da icazə verib.

Axşam.az-ın şirkətin rəsmi saytına istinadən məlumatına görə, indi foto və videoları İnstaqramın məcbur etdiyi kəsilmə olmadan tam ölçüdə yükləmək olacaq. Belə ki, proqramda 2 yeni format – portret və albom – yaradılıb.

Xidmətin nümayəndələrinin sözlərinə görə, insanlar qrup şəklində, hündür və geniş əraziləri əks etdirən fotolar paylaşarkən kvadrat sahədə lazımi hissəni yerləşdirə bilmədikləri üçün paylaşımdan imtina edirdilər. Bundan sonra isə original formanı izləyicilərlə bölüşmək olacaq.