Meyxanaçı Namiq Qaraçuxurlu evlənir.

Axşam.az-ın məlumatına görə, sənətçi bu haqda “ATV Maqazin”də deyib. O, toy gününün təyin olunduğunu bildirib:

“Artıq toy günü və keçiriləcək məkan da bəllidir. Heç kimə ətraflı demirəm ki, mənə düşmür. Sentyabrdan dəvətnamələr paylanacaq. Mediaya qapalı olacaq. Bəzi jurnalist dostlarıma görüntülər verəcəm. Hətta qonaqlara da deyiləcək ki, şəkil paylaşmasınlar. Ümid edirəm ki, məni başa düşəcəklər. Bəzi dostlarım deyir ki, evlilik gözəldir, tez ailə qurum. Amma bu qismətdir. Bilmirəm pərəstişkarlarımı itirəcəm, yoxsa necə. Ola bilər xanım sevənlərim azalsın. İnanıram ki, əksəriyyəti mən xoşbəxt olmağımı arzulayır. Bu vaxta kimi subay gəzdim. 36 yaşım var, mən də müəyyən hissləri yaşamaq istəyirəm”.