Aktrisa Pamela Anderson dünən getdiyi İstanbulda kapriz və istəkləri ilə bezdirib.

Axşam.az-ın Türkiyə mediasına istinadən məlumatına görə, daha çox porno görüntüləri ilə məşhur olan Pamela mətbuat konfransına da gec gəldiyi üçün tədbir gecə saat 12-də baş tutub. Qırmızı dekolteli libası ilə toplantı yerinə gələn aktrisa saatlardır onu gözləyən jurnalistlərə də kobud davranıb.

O, "sadəcə 2 dəqiqəm var, dərhal soruşun, gedirəm" deyərək kameralara da bir neçə saniyəlik görüntü üçün icazə verib. 48 yaşlı aktrisa bir neçə il əvvəl Türkiyədə olarkən qonaq aktrisa kimi iştirak etdiyi "Yalan dünya" serialı haqda suala cavabı ilə hər kəsi təəccübləndirib:

"Yox, mən belə bir seriala çəkilməmişəm, xatırlamıram".

Bu cavab iki dəfə İstanbulda olan aktrisanın hansındasa "saxta Pamela" ola bilmə ehtimalını ortaya çıxarıb.