Bakıda böyük rus şairi Sergey Yeseninin anadan olmasının 120 illiyi qeyd edilib.

Axşam.az-ın məlumatına görə, Rusiya İnformasiya və Mədəniyyət Mərkəzindən bildiriblər ki, tədbir Bakı Slavyan Universitetində keçirilib. Salona şairin yaradıcılığının yüzlərlə pərəstişkarı toplaşıb. Bu da təəccüblü deyil. Şair qısa ömrü ərzində beş dəfə Cənubi Qafqazda olub. Özünün etiraf etdiyi kimi, Qafqaz onun həyat və yaradıcılığına müsbət təsir göstərib.

Tədbir Bakı Slavyan Universiteti, Rusiyanın ölkəmizdəki səfirliyi və “Rossotrudniçestvo” Agentliyinin Bakı nümayəndəliyi tərəfindən təşkil edilib.