"Möhtəşəm yüz il: Kösəm Sultan" Türkiyədən əvvəl Fransada izləyici qarşısına çıxıb.

Axşam.az-ın Türkiyə mediasına istinadən məlumatına görə, "Mipcom" festivalı çərçivəsində keçirilən təqdimatlara bu il türk serialları damğasını vurub.

"Kösəm Sultan" serialının təqdimat partisi də ən maraqlı tədbirlərdən olub. Gecəyə ekran işinin baş rollarında iştirak edən Beren Saat, Ekin Koç, Anastasia Tsilimpiou və Hülya Avşar qatılıb. Kösəm Sultanın gəncliyini Anastasia canlandıracaq.

Bir müddətdir terror hadisələrinə laqeyd qaldığı üçün tənqid olunan B. Saatın serialdan çıxarıldığı deyilsə də, gecənin ən çox diqqət çəkən adlarından olub. O, 8-ci seriyadan etibarən baş rolu yunan aktrisadan təhvil alacaq.