"Taxt oyunları" ("Game of Thrones") serialının ulduzu Emiliya Klarkın artıq yeni titulu var.

Axşam.az-ın məlumatına görə, "Esquire" jurnalı 28 yaşlı aktrisanı "Yaşayan ən seksual qadın" seçib. Jurnalın keçirdiyi səsverməyə görə serialın "Daneris Tarqaryen"i birinci pillədə qərarlaşıb.

Bu yay "Terminator" filminin növbəti seriyasında Sarah Konnor rolunu canlandıran Emiliya jurnalın yeni buraxılışı üçün açıq-saçıq fotosessiya da etdirib.

Qeyd edək ki, keçən il bu titula aktrisa Penelopa Kruz layiq görülmüşdü. O vaxta qədər isə siyahıya aktrisa Skarlett Yohanson liderlik edirdi.

Xatırladaq ki, E.Klark keçən ay "GQ" jurnalı tərəfindən " İlin Qadını" seçilmişdi.