İsveçli Piksi Foks inanılmaz dərəcədə incə beli, böyük sinəsi və oyuncaq uşaq kimi siması ilə cizgi film qəhrəmanlarına bənzədilir.

Axşam.az-ın xarici KİV-ə istinadən məlumatına görə, o, belə görünmək üçün 119 min dollar xərcləyib. İsveçdə elektrik ustası kimi işləyən 25 yaşlı qız özünü kəşf etmək üçün ABŞ-a köçür. Şimali Karolinada yaşayan Foksun xəyalındakı cizgi film obrazı isə "Jessica Rabbit"dir.

İnstaqramda 70 min təqibçisi olan Piksi bu bədənə sahib olmaq üçün çox çətin və təhlükəli əməliyyatlar keçirib: 6 qabırğasını çıxartdırıb, burnunu kəsdirib, gözlərini daha böyük göstərmək üçün iki dəfə əməliyyat masasına yatıb, ombalarına "Braziliya üsulu" silikon, sinəsinə isə 4 dəfə fərqli silikon qoydurub.

O, artıq həkim tapmaqda çətinlik çəkdiyini, həkimlərin ona "dəli" kimi davrandığını deyib. Amma nə istədiyini çox yaxşı bildiyini söyləyən gənc qadının arzusu "dünyanın ən incə belli qadını" olmaqdır.