Tanınmış aktyor Şahan Gökbakar ata olub.

Axşam.az-ın Türkiyə mətbuatına istinadən məlumatına görə, yumor ustası bu xəbəri yeni doğulan oğlunun fotosunu sosial şəbəkədə paylaşaraq verib. O, oğlu haqda bunları yazıb:
 
“Ata oldum. Ürəyimdə övlad sevgisi adına nə qədər duyğu varsa, sənin olsun, oğlum! Həyatımızın bir ömür boyu sürəcək filmində sağlam və hüzur dolu yer almaq nəsibin olsun. Bildiklərimi mən sənə öyrədim, bilmədiklərimi sən mənə yaşat. Ananı heç vaxt kədərləndirmə. Mənə bu xoşbəxtliyi yaşadan qadındır o, canımdır. Sənin qədər onu da sevdiyimi unutma. Allah bütün övladlarımızı bizə bağışlasın...”.