Üç il fasilədən sonra səhnəyə dönən müğənni Adel bir aydan çoxdur ki, getdiyi hər tədbirin əsas ulduzudur.

2007-ci ildə ilk dəfə "Hometown Glory" mahnısı ilə səhnəyə gələn ifaçı 2010-cu ildə "Qremmi" mükafatlarını qazandı. 2012-ci ildə sevgilisi Sayman Konekkidən oğlu olan Adel bir müddət karyerasına fasilə verdikdən sonra keçən ay "Hello" mahnısı ilə qayıdaraq mümkün olan bütün rekordları qırıb.

Müğənninin mahnılarından başqa fiziki görünüşü də diqqətçəkicidir. Səhnəyə çıxdığı ilk dövrdən inidyə qədər nəzərə çarpacaq qədər arıqlayan britaniyalı ifaçı çəkisini diqqətdə saxlamağı və ona uyğun geyinməsi ilə də seçilir.

Axşam.az Adelin 2008-2015-ci illər aralığındakı dəyişikliyini ardıcıllıqla təqdim edir.