“Cut” layihəsinin müəllifləri 100 il ərzində dəyişən misirli qadının obrazını yaradıblar.
 
Axşam.az xarici mətbuata istinadən xəbər verir ki, hazırlanan video-çarxda 1910-cu illərdən bu yana misirli qadının geyimi və imicindəki dəyişikiklər lentə alınıb.

Videodan göründüyü kimi, 50-60-cı illərdə Avropa dəbinə uyğun geyimlər üstünlük təşkil etsə də, 90-cı illərdə yenidən konservativ baxışlar qadınların obrazında özünü göstərir. Video-çarxın yaradıcısı müsahibəsində bildirib ki, bu süjeti hazırlamaqda məqsəd heç də mübahisə yaratmaq deyil:
 
“Biz hər hansı mübahisəni alovlandırmaq yox, insanlara Qərblə Şərqin arasındakı pərdəni göstərməyə çalışmışıq. Gözəllik standartları bizi əhatə edən mühitdən – estetika, incəsənət və əlbəttə ki, siyasi rejimdən asılıdır. Video-çarxda yer alan hər bir onilliyin görüntüləri siyasi görüşlərin necə dəyişməsi haqda təsəvvürün yaranması üçün əla nümunədir”.