Avstraliyanın Foto və Audio Sənədlər Milli Arxivi əfsanəvi “The Beatles” qrupunun indiyədək heç yerdə yayımlanmayan video-yazısını əldə edib.

Axşam.az-ın xarici mətbuata istinadən məlumatına görə, 1965-ci il noyabrın 1-də lentə alınan videoda məşhur dördlük “The Music of Lennon & McCartney” verilişindəki çıxışlarına hazırlaşır. Videonun müəllifi avstraliyalı rəqqasə və vizajist Don Sueyndir.

O, çəkilişi apararkən qrup üzvlərindən Con və ya Rinqonun onun hətta düzgün çəkiliş aparmadığını söylədiyini bildirib. Lent yazısı Donun qızının təsadüfən ailəvi arxivinə baxması nəticəsində aşkar olunub.