Bu gün rejissor Nail Naiboğlunun lentə aldığı “Mən Azərbaycanam” klipinin təqdimat mərasimi keçirilib.

Axşam.az-ın məlumatına görə, vətənpərvərlik mövzusunda olan layihənin ideya müəllifi aparıcı Zemfira Adıgözəlovadır. Ekran işində xalq artistləri Alim Qasımov, Məleykə Əsədova, əməkdar artistlər Lalə Məmmədova, Aybəniz Haşımova, İlqar Muradov, Ədalət Şüküeov, müğənnilər Roza Zərəgrli, Natavan Həbibi, Elnur Məmmədov, Murad Arif, rəqqasə Fatimə Fətəliyeva, idmançılar İlham Zəkiyev, Ayxan Mamayev və başqaları yer alıb. Onlar işğal altında olan Qarabağla bağlı müxtəlif fikirlər səsləndiriblər. Z.Adıgözəlova yeni layihə ilə bağlı bunlaı deyib:
 
“Vətənpərvərlik mövzusunda bir layihədir. Bir həftənin içində ssenarini yazdıq, məkan tapdıq, similar seçdik, ikinci həftədə isə çəkiliş oldu. Bu işi ürəklə həyata keçirdik. Ona görə də heç bir maneə ilə üzləşmədik. Bu yaxınlarda bölgələrdə oldum, atışma, güllə səsi. Bir gecədə orada yata bilmədim. Düşündüm ki, insanlar aylarla, illərlə o atışma səsi altında necə yaşayırlar. Ondan sonra belə bir layihə reallaşdırmaq ideyası ağlıma gəldi. Bu çarx otellərimizdə, kinoteatrlarımızda, internetdə yayımlanacaq”.

Foto: Ramin ASLANOV