Türkiyəli iş adamı Ali Ağaoğlu ötən gün keçmiş sevgilisi Petek Ertüre və uşaqlarıyla birlikdə 47 metrlik yaxtası ilə balıq ovuna çıxıb.
Axşam.az Türkiyə mətbuatına istinadən xəbər verir ki, son günlər çəkildiyi reklam çarxı ilə gündəmdən düşməyən məşhur iş adamı, “üzən sarayında” qonaqlarını qarşılayıb. Vaxtını günorta saatlarına qədər yaxtada keçirən iş adamı yeməyini Bəbəkdəki restoranlardan birində sifariş edib.
Məşhur iş adamının 1 milyon dollarlıq yaxtasına türk bayrağı əvəzinə, Amerika bayrağı asması isə diqqətdən yayınmayıb. Ağaoğlunun ailəsiylə dəniz gəzintisi təxminən 7 saat davam edib.