Türkiyənin Beşiktaş Bələdiyyəsinin təşkil etdiyi Beynəlxalq Bağça və Çiçək Festivalının təqdimatı üçün bir araya gələn yerli məşhurlar sevdikləri çiçəklərlə şəkillər çəkdiriblər.

Axşam.az Türkiyə mətbuatına istinadən xəbər verir ki, bir-birindən məşhur isimlərin  çiçəklərlə gerçəkləşən əhval-ruhiyyəli çəkilişləri kameralara əks olunub.

Qeyd edək ki, Beşiktaş mayın 6-15 tarixlərində Beynəlxalq Bağça və Çiçək Festivalına ev sahibliyi edəcək.

Bu il ilk dəfə təşkil olunacaq festivalın əsas məramı insanları sülhə səsləməkdən ibarətdir. Festivalın şüarı “Beşiktaşda barışmaq”dır.
 
Aralarında Beşiktaş Bələdiyyə Sədri Murat Hazinedarın da olduğu fotoçəkilişlərdə - Armağan Çağlayan, Begüm Kütük, Bengü, Burcu Esmersoy, Çengiz Abazoğlu, Deniz Akkaya, Ebru Şallı, Elif Dağdeviren, Esin Övet, İpek Açar, İrem Derici, Nükhet Duru və Özgür Aras kimi məşhur isimlər yer alıb. Onlar məşhur Lara Saylıqana verdikləri pozalarla festivalın təqdimatına dəstək olublar.