Xalq artisti Aygün Kazımova Tofiq Bəhrəmov adına Stadionda baş tutan konsertində geyindiyi qapalı libasından danışıb.

Axşam.az-ın məlumatına görə, müğənni "ATV maqazin onlarla" verilişində tamaşaçılara sürpriz hazırladığını deyib:

"Qarderobumdakı ən qapalı geyimimdir. Həmin konsertdə mən sirlərlə qapalı oldum. Bunun arxasında yeni imicimi gizlədirəm. İyunun 18-də Nabranda baş tutan konsertimdə sürpriz açılacaq. Həmin konsertdə dəniz geyimlərim olacaq".
 
A.Kazımova "Orasına-burasına" adlı səs-küylü mahnısından da bəhs edib:

"Başqa yerlərə yozmayın, sadəcə, gözləyin. Nabrandakı konsert zamanı mahnını səsləndirəcəm".

Müğənni sosial şəbəkədə yazdığı "Mən aşiq oldum" şərhi ilə bağlı suallara "Bəlkə, yeni mahnının və ya müzklın adıdır. Gözləyib, görəcəyik" cavabını verib.