Müğənni Könül Kərimova duet ortağı Cabbar Musayevlə aralarında söz-söhbət olduğunu bildirib.

Axşam.az-ın məlumatına görə, sənətçi bu haqda “Xəzər” telekanalında yayımlanan “Star life” verilişinə açıqlamasında deyib. İfaçı mübahisəyə mahnının səbəb olduğunu söyləyib:

“Cabbar Musayevlə davadayıq. Neçə ildir birlikdə çalışırıq. Son vaxtlar Cabbar yeni mahnı yazmır. Bu da aramızda narazılığa səbəb olub. Günah təkcə onda deyil. İkimiz də tənbəllik edirik. Bir də çox həssas insanlarıq. Son vaxtlar şou-biznesdə olan söz-söhbətlər təsir edir. Bu dedi-qodular mənə qəribə gəlir, özümə qapılıram. Niyə müğənnilər belə dalaşır, başa düşə bilmirəm. Hər zaman sənət dostlarımın uğuruna sevinmişəm, paxıllıq etməmişəm”.