"Miss Turkey 2019"'un finalı baş tutub.

Axşam.az xəbər verir ki, 20 iştirakçının qatıldığı final gecəsində qızlar birincilik uğrunda bir-biri ilə yarışa giriblər.

Gecədə Türkiyənin ən gözəl qızı 22 yaşındakı Simay Rasimoğlu adlı gözəl olub.  1,88 boyu olan Simay memarlıq təhsili alır. O, Türkiyəni İngiltərədə keçiriləcək "Miss World 2019" yarışmasında təmsil edəcək.

Yarışmanın ikincisi Bilgi Nur Aydoğmuş seçilib. Aydoğmuş Türkiyəni "Miss Universe 2019" yarışmasında təmsil etməyə haqq qazanıb. 1,80 boyunda olan 23 yaşlı Bilgi hüquq təhsili alır.

Türkiyəni Polonyadakı "Miss Supranational 2019" yarışmasında təmsil etmək haqqını isə Büşra Turan qazanıb. 1,85 boyundakı Büşra hazırda universitetdə təhsil alır.