Beynəlxalq Muğam Mərkəzində 10-cu Bakı Beynəlxalq Qısa Filmlər Festivalının açılış mərasimi keçirilib.

Axşam.az xəbər verir ki, Tədbirdə Azərbaycan Respublikası Mədəniyyət Nazirliyinin rəsmiləri, Xalq artistləri Fəxrəddin Manafov, Vidadi Həsənov, Əməkdar artistlər Rasim Cəfər, Gülzar Qurbanova, Keçmiş “ANS Şirkətlər Qrupu”nun Prezidenti Vahid Mustafayev və başqaları iştirak edib.

Bu il festivalın müsabiqə bölmələrinə 21 ölkədən 48 film düşüb. Beynəlxalq müsabiqədə 29, Yerli müsabiqədə isə 19 film mübarizə aparacaq.Hər iki müsabiqə bölməsinin öz münsiflər heyəti var.

Mərasim festivalın müsabiqə proqramına daxil olan Amil Məmiyevin “Son seçim” (Azərbaycan), Marin Ceykobun “Bu gün yox” (Belçika), Behnam Əsədulahinin “Qarğanın ağır kölgəsi” (İran) filmlərin nümayişi ilə sona çatıb.