Axşam.az xəbər verir ki, bu sözləri rejissor Kənan M.M. "Söhbətsiz" verilişində deyib. O, "Bozbash pictures" komandası ilə arasında yaşanan qalmaqaldan bəhs edib:
"Bozbash pictures"in ilk filmini çəkdim, bəyənilmədi. İkimizin də ilk filmi idi. Deyirdilər, bizi qınama, həmişə fotoaparat qabağında dayanıb danışmışıq. Rejissorla işləməmişik. Hamı da o filmdən pul qazandı. Sadəcə, mən o ekran işinə ruhumu qoymadım. İlkinin (aktyor İlkin Həsəni - red.) qızının ad günündə təbrik də yazmışdım. Kin saxlayan deyiləm. Aramızdakı davanın səbəbi İlkinin statusu olmuşdu. Xoşuma gəlmədi, qıcıqlandım. Nə sözün var zəng et. İradı statusda həll edəcək yaşda deyilik. 7 ildən sonra irad bildirmək anlamsız idi. Filmin pulunu xərcləyəndə heç kim nəsə demirdi".
Kənan klip çəkməməsinin səbəblərindən söz açıb:
"Klip bir tramplin idi. Amma yaxşı pul verən olsa, çəkərəm. Darıxmışam o iş üçün. Bir vaxtlar subay idim, evim yox idi, özümü ucuz satırdım. İndi yox, klipi ucuz çəkmərəm".
Sənətçi daha Türkiyədə seriala çəkilməyəcəyini açıqlayıb:
"Ailəmdən ayrı qalıram. Amma filmə gedib çəkiləcəm. Hətta ssenari gəlib, oxuyuram. Özüm də Azərbaycanda serial çəkəcəm. Səviyyəsiz filmlərin cənazə namazını qılacam. Bizim serialların çoxu divanda oturub, danışan başlardan ibarətdir".