“Beauty Party Baku” adlı gözəllik gecəsi baş tutub.

Axşam.az xəbər verir ki, şəhərin məşhur otellərindən birində keçirilən gecənin təşkilatçısı aparıcı Samirə Rəhimova və psixoloq həyat yoldaşı Kənan Rəhimov olub.

Gecənin aparıcılığını da Samirə özü edib. Tədbirdə şou-biznes nümayəndələri, aparıcılar, jurnalistlər, müxtəlif nominasiyada mükafat alıblar.

Bir çox tanınmış sima mərasimə geyindiyi fərqli tərzdə libasla diqqət çəkiblər. Onlar arasında aparıcı Fəxriyyə Lilpar, prodüser Mədinə Məlik, rəqqasə Fatimə Fətəliyeva da yer alıblar.

Fəxriyyə məşhur "Xarı bülbül" çiçəyi formasında hazırlanan don geyinib. Fatimə isə gəlinlik paltarını xatırladan ağ geyimdə məclisə qatılıb.

 

Mükafatlandırma gecəsində təltif olunanlar arasında Xalq artisti Məleykə Əsədova, Əməkdar artistlər Vasif Məhərrəmli, Ədalət Şükürov, stilistlər Nigar İbrahimova, Anar Ağakişiyev, Samiraldo, modelyer Gülnarə Xəlilova və başqaları yer alıblar.

 
 
 
 
 
 
 
 
 
 


                 

Xəbər lenti