Naxçıvanda koronavirus yoxdur - Rəsmi

Naxçıvanda koronavirus yoxdur - Rəsmi
2657 dəfə oxunub
  • A-
  • A
  • A+

“Naxçıvan Muxtar Respublikasında koronavirusa yoluxma qeydə alınmayıb”.

Axşam.az xəbər verir ki, bunu Modern.az-a açıqlamasında Muxtar Respublikanın Səhiyyə Nazirliyinin mətbuat katibi Hüseyn İsgəndərov bildirib.
 
H.İsgəndərov qeyd edib ki, Naxçıvan Muxtar Respublikasına giriş-çıxış bağlandığından hər hansı təhlükə də yoxdur:

“Yeganə yerdir ki, burada koronavirus qeydə alınmayıb. Muxtar respublikanın hər yerində, Naxçıvanda, Şərurda, Ordubaddakı bütün təsərrüfat malları mağazalarında, oyun zallarında, diş kabinələrində və əhalinin daha çox istifadə etdiyi yerlərdə viruslara qarşı dezinfeksiya işləri aparılır. Mağazaların girişində insanların əli spirtlənir. Heç nəyə toxunmadan alış-veriş edirlər”.
 
Nazirlik rəsmisinin sözlərinə görə, karantin üçün Qarxun kəndində xəstəxana ayrılıb:

“Amma ümumilikdə yoluxma yoxdur. Mədəniyyət Nazirliyi, Gənclər və İdman Nazirliyi və s. kimi qurumların əməkdaşları çalışmır. Biz isə gücləndirilmiş iş rejimində fəaliyyət göstəririk”.